Thaçi mund të shkarkohet për shkak të raporteve me Serbinë/ Deklarata e fortë e Albin Kurtit

Albin Kurti, kandidati për Kryeministër në Kosovë, u shpreh i hapur për të diskutuar lidhur me postin e Presidentit të Kosovës, kur të vijë koha për zgjedhjen e tij.

I pyetur nga gazetari Blendi Fevziu, Kurti tha se “mbetem i hapur që Isa Mustafa të jetë një kandidat për President, por kjo çështje i takon së ardhmes”.

Kurti tha se VV ka kërkuar shkarkimin e Hashim Thaçit nga posti i Presidentit të Kosovës, për shkak të raporteve që ka krijuar me Beogradin.

“Situata që krijoi 3 vite më parë dhe deklarimet lidhur me korrigjimin e kufijve, janë një gjë e rëndë. Unë nuk hyj në pazare me territoret e Kosovës dhe këtë s’duhet t’a bëjë askush”, tha Kurti.

Albin Kurti theksoi se deklaratat e Thaçit se veriu ië Kosovës është dhuratë e Rankoviçit është një shkelje e hapur e Kushtetutës së Kosovës.

LEXO EDHE  Nuk isha në makinë kur e qëlluan, isha në.../ Drejtori i Rilindjes sqaron incidentin

“Një deklaratë e papranueshme. Nuk mund të thuash që shqiptarët e Luginës së Preshevës, Medvegjës dhe Bujanovcit janë njëlloj me serbët e veriut të Kosovës, që kanë edhe strukturat e tyre.

Thaçi takoi Putinin në Paris, ia kërkoi përmes ambasadës së Rusisë në Tiranë. Unë kurrë s’do e kërkoja një takim me Putinin”, tha Kurti.
Sipas tij, SHBA nuk duan të imponojnë një marrëveshje me Serbinë që nuk e do populli shqiptar.

“Është koha që Thaçi të bëjë një gjë të mirë, të japë dorëheqjen. Raportet e mia me të do të jenë ato mes Kryeministrit dhe Presidentit, por ai duhet të bëjë një gjë të mirë.

Edhe ai ka merita, por kur meritat i mbyt me prapësi atëherë, çfarë të thuash”, tha Kurti.