Kryemadhi: Ja paralajmërimi që më dha zyrtari i SHBA nëse digjnim mandatet dhe bojkotonim zgjedhjet

Monika Kryemadhi, kryetare e LSI-së, deklaroi se një zyrtar i Ambasadës së SHBA e ka paralajmëruar se nuk do të mbështesin djegien e mandateve dhe bojkotin e zgjedhjeve lokale.

“Një zyrtar i Ambasadës së SHBA më tha: nëse do të digjni mandatet dhe do të bojkotoni zgjedhjet lokale, SHBA do t’i keni kundër”, tha Kryemadhi.

Në vijim ajo shtoi se e do shumë Amerikën, por para çdo zyrtari amerikan dhe ambasadori në fillim do qytetarin shqiptar.
“Ato që më tha zyrtari i SHBA kanë vend në një shtet normal, jo në Shqipëri, kur nuk ka as Gjykatë të Lartë dhe as Gjykatë Kushtetuese”, tha Kryemadhi.

LEXO EDHE  Numërohen votat e Diasporës, ja kush kryeson në Kosovë

Në vijim ajo tha se pavarësisht paralajmërimeve asgjë nuk ka ndodhur.

“Ja i dogjëm mandatet dhe zgjedhjet i bojkotuam çfarë ndodhi? Unë ja ku jam, lëviz në këmbë, ndërsa Ramën e keni parë ndonjëherë të lëvizë në këmbë”, tha Kryemadhi.

Në vijim ajo shtoi se Basha u tregua shumë “feir” me ndërkombëtarët dhe Edi Ramën.

“Basha ka që të gjithë të drejtën e tij që thotë se nuk hyn në zgjedhje me Edi Ramën, sepse ai e përdori, po paguan kostot edhe në partinë e tij”, tha Kryemadhi.