Zbatimi i ligjit, lufta ndaj krimit të organizuar dhe korrupsionit, reforma në drejtësi dhe ndëshkimi ligjor i zyrtarëve të korruptuar dhe të lidhur me krimin, mesohet se janë disa nga kushtet që Franca pritet të shprehë ndaj Shqipërisë në hapjen e negociatave me BE. Burime diplomatike shprehen se kushtet e Francës pritet të shprehen zyrtarisht në mbledhjen e ministrave të Jashtëm të BE që do të mbahet më 15 tetor.
Franca kërkon nga Shqipëria që të ketë një zbatueshmëri më të mirë të ligjeve të miratuara, ccka do të thotë se në këndveshtrimin francez ligjet mbeten në letër. Burimet bëjnë të ditur se të tjera çështje kanë të bëjnë me krizën politike dhe zgjidhjen e saj, ku i apelohet politikës shqiptare që të angazhohet në një proces dialogu.
Kështu pas Gjermanisë që ka paraqitur 9 kushte dhe një Jo-je të prerë nga Holanda, Franca është shteti i 3-të brenda BE që kushtëzon hapjen e negociatave me plotësimin e kushteve. Si Gjermania ashtu edhe Franca kanë pothuajse të njëjtat kushte për hapjen e negociatave me BE, por Bundestagu ka preferuar të hartojë edhe një rezolutë ku skanon situatën në Shqipëri. /Boldnews.al/
