E quajtur nga opozita si Zonja 5 mln euro e doganave, ministrja e Shtetit për Marrëdhëniet me Parlamentin, Elisa Spiropali, ka folur sot në Kuvend për varfërinë.
Duket si ironi, por Spiropali ndërsa ka folur për tërmetin e 21 shtatorit që goditi vendin, tha se është detyra jonë të bëjmë diferencën e madhe për të çrrënjosur varfërinë, që në raste të tilla si tërmeti, del me gjithë forcën e saj tronditëse.
“Ne kemi një prapambetje të trashëguar, që duhet luftuar me themel. Përveç solidaritet në tërmet, ne duhet të kthejmë sytë nga varfëria ekstreme për ta luftuar atë deri në qelizë”, u shpreh Spiropali.
Nëse bën një hulumtim të thjeshtë në rrjet, shikon ndryshimin 100 % që ka pësuar Elisa, ministrja e Ramës, jo vetëm në garderobën e saj, por edhe në pamje.
Dhe duket si mjaft cinike që një ministre, e quajtur publikisht nga opozita si “Zonja 5 mln euroshe e doganave” sot të flasë për varëfrinë, njerëzit e varfër dhe luftën ndaj varfërisë ekstreme.
Mediat herë pas here kanë publikuar foto mbi ndryshimet që ka pësuar ministrja e Ramës, apo mbi makinën e saj “Mercedez-Benz GLA 200” që ka shkuar në seancat plenare.
Po kështu është denoncuar po nga mediat, që ora që mban në dorë ministrja kushton rreth 3 mijë dollarë, apo që një çantë e saj kushton mbi 1600 euro, shifra këto të denoncuara në rrjetet sociale apo nga mediat në kohë të ndryshme.
