Vetëvrasja në Tiranë/ Zbulohet detajet! Biznesmeni qëlloi veten në prani të djalit

Detaje të reja bëhen me dije lidhur me 49-vjeçarin, i cili qëlloi veten me armë zjarri në banesën e tij në Tiranë këtë të enjte, duke gjetur vdekjen.

Burime policore thanë për “Boldnews”, se aktin dramatik, burri e kreu në prani të djalit të madh të familjes.

Zyrtarisht, policia njoftoi se 49-vjeçari qëlloi veten në kushtet e depresionit rreth orës 14:50. U transportua për në spital, por nuk mundi të mbijetojë. Ndërkaq, burime policore thanë se viktima ishte pronari i një biznesi në Tiranë, që ka falimentuar prej 6 muajsh. Falimenti në biznes mund të ketë ndikuar në gjendjen e rënduar psikologjike të 49-vjecarit, i cili lë jetim tre fëmijë, një në moshë madhore, një djalë 16 vjeç dhe një vajze 12 vjeçe, e cila ka probleme me shëndetin.

LEXO EDHE  “Shkove në Itali për prostitutë!” Aktorja shqiptare i përgjigjet akuzave

Viktima ka qenë në Gjermani për vite me radhë edhe është kthyer nga emigracioni për të investuar në vend në fushën e biznesit të kromit.

“Rreth orës 14:50, në rrugën ‘Skënder Jareci’, dyshohet se si pasojë e depresionit është vetëplagosur në banesë me armë gjahu shtetasi A.B., 49 vjeç, i cili u dërgua në spital për ndihmë mjekësore. Si pasojë e plagëve të marra, shtetasi A. B ka ndërruar jetë në spital. Grupi hetimor po vijon punën për sqarimin e mëtejshëm të rrethanave të ngjarjes”, thuhet në njoftimin paraprak të policisë për ngjarjen.

Vitin e shkuar, 213 persona në Shqipëri sipas Institutit të Statistikave, i kanë dhënë fund jetës. 14 më shumë se në 2017.

/Boldnews.al/