Prej orës 16:04 kur u regjistrua lëkundja më e fortë, me magnitudë 5.8 të Shkallës Rihter, dhe intensitet 7.5, Shqipëria është lëkundur plot 17 herë.
Lëkundja e parë, e cila u pasua nga të tjera më të lehta, shkaktoi dëme në dhjetra banesa, kryesisht në Tiranë dhe Durrës.
Lëkundjet sizmike shkaktuan panik te qytetarët, ndërsa tërmeti i parë konsiderohet si më i forti i 30 viteve të fundit.
Epiqendra e tërmeteve ishte në Detin Adriatik, me një thellësi jo shumë larg qytetit të Durrësit, ndaj dhe pasojat më të mëdha kanë qenë në qytetin bregdetar.
