Kryeministri Edi Rama ka publikuar në rrjet pamjet nga dëmet që shkaktoi tërmeti i regjistruar pasditen e djeshme, i cili ishte 5.8 i shkallër Rihter, si dhe masat që kanë marrë institucionet për t’iu ndodhur pranë qytetarëve.
Lëkundjet e tërmetit vijuan edhe gjatë mbrëmjes, ndërkohë që në mesnatë qeveria shvilloi një mbledhje urgjente.
Rama shkruan në rrjet se institucionet ishin në gatishmëri për t’iu dhënë ndihmën qytetarëve, të tmerruar nga lëkundjet e forta, një pjesë e të cilëve kanë kaluar dhe natën jashtë.
“MIRËMËNGJES 😃 dhe me këto pamje të punës që vijon pa ndërprerje për t’iu gjendur pranë qytetarëve të prekur nga tërmetet e djeshme dhe për të lehtësuar pasojat e dëmet e shkaktuara, ju uroj një të dielë të qetë🙏”, shkruan Rama.
Ndërkaq kryeministri Edi Rama ka thirrur sot mbledhjen e grupit Parlamentar për shkak të situatës së rëndë nga tërmetet që goditën vendin.
Burime bëjnë me dije se mbledhja e grupit socialist do të nisë paraditen e sotme në orën 11:00 në Kryesinë e Kuvendit.
