Gazetari Aulon Kalaja parashikon se komisioni i Venecias do të shprehet pro vendimit të Presidentit Ilir Meta, i cili shtyu datën e zgjedhjeve lokale.
Kalja deklaron se ashtu si raporti i ODHIR mbështeti vendimet e Presidentit edhe komisioni do të bëjë të njëjtën gjë.
“Raporti perfundimtar i ‘OSBE-ODHIR’, mbeshteti vendimet e Presidentit te Republikes. Une mendoj se me kete fryme do jete edhe opinioni i ‘Komisionit te Venecias’.
Nuk mund te kete dy standarte. Mos-publikimi i dekretit te Presidentit ne ‘Fletoren Zyrtare’, nuk ndodh ne asnje vend te botes, pervec se ne ‘Republikat e Bananeve’. Kushtetuta e Republikes se Shqiperise eshte shkelur nga mazhoranca, jo nga Presidenti”, shkruan Kalaja në një status në Facebook.
Një delegacion i komisionit të Venecias mbërriti në Shqipëri pas kërkesës për opinion të mazhorancës, që ngriti komisionin hetimor për të verifikuar nëse Meta shkeli Kushtetutën me vendimin për shtyrjen e zgjedhjeve të 30 qershorit. Mazhoranca shprehet e bindur se Meta ka shkelur Kushtetutën dhe ka nisur procedurat për shkarkimin e tij. Nga ana tjetër, kreu i shtetit pohon të kundërtën, duke artikuluar se me dekretin e tij për shtyrjen e zgjedhjeve shmangu një trazirë të mundshme. Komisioni i Venecias, që kreu një mision faktmbledhës dy ditor në Shqipëri, bëri të ditur se 11 tetor do të publikojë një opinion mbi ligjshmërinë e akteve të presidentit Ilir Meta.
