Nga Boldnews.al
Tirana po kalon ditët më të vështira për furnizimin me ujë të pijshëm. Në disa zona uji vjen vetëm një herë në ditë dhe jo më shumë se një orë, ndërsa ka dyshime të forta se edhe në momentin që mbërrin uji ai është i ndotur. Kjo situatë po sjellë katastrofën shëndetësore, dati në kufijtë e epidemisë në pediatri dhe në pavionin e infektivit në kryeqytet.
Vetëm në një turn, dje u regjistrua shifra rekord e 250 vizitave në pavionin e infektivit. Shtretërit nëpër pavionë tashmë janë të gjithë të zëna me pacientë që kanë nevojë për hispitalizim, që shfaqin kryesisht probleme gastrointestinale.
Sipas mjekëve, qytetarët mbërrijnë me heqje barku, të vjella dhe temperaturë. Ende nuk janë në gjendje që të japin një shpjegim shkencor, pasi sipas tyre nuk ka shenja të një viroze masive stinore, por për shkaqe të jashtme dhe këtë e lidhin kryesisht me ujin e pijshëm.
Edhe më e rëndë është gjendja në Padiatri. Urgjencat janë të tejmbushura dhe është dashur që ekipi mjekësor të punojë me orë të zgjatura, por problem është fakti se nuk kanë ambiente për të kryer qoftë edhe një shërbim të shpejtësi siç është vendosja e serumeve.
Mjekët dyshojnë se mungesa e ujit ka shtuar ndjeshëm praninë e mikrobeve në familjet shqiptare dhe pjesa tjetër sërish mjaft problematike është se edhe në momentet kur ata furnizohen, në çasmat e tyre nuk vjen ujë i pastër. ISHP (Instituti i Shëndetit Publik), deri më tani e ka kaluar me heshtje, por burime konfidenciale pranë këtij institucioni shprehen se disa kampione uji kanë dalë në nivele jo të pranueshme të pastërtisë, por nuk janë bërë të njohura për publikun. Kjo i shton edhe fenomenin gangrenë të çështjes së depozitave. Duke qenë se depozitat janë zbrazur totalisht, ata kanë depërtuar mikrobet që zakonisht përfundojnë në fundin e ujëmbledhësve në taracat e pallateve.
Megjithatë analizat ISHP ia ka përcjellë përfaqësuesve të Ujësjellës Kanalizimeve Tiranë dhe të bashkisë së kryeqytetit. Është e gjithë Tirana me probleme përsa i përket furnizimit me ujë, por disa zona konsiderohen si tepër problematike si pjesa e Unazës së Re, Yzberishti apo edhe Tirana e Re.
Kur kryeqyteti po thahet për ujë dhe qytetarët sidomos fëmijët dhe të moshuarit dergjen spitaleve për shkak të mungesës dhe ndotjes së ujit ajo që na ka mbetur në mendje është një shfaqje e shpifur, e mbuluar me mashtrim nga kryebashkiaku Veliaj dy vite më parë. Më 26 korrik 2017 ndërsa ndodhej në mbledhjen e Këshillit Bashkiak me gjeste e gjestikulacione, duke mos e ndarë nga dora një shishe ai lëshonte shpesh shprehjen: “ja…, me 50 lekë do rritet çmimi i ujit, sa ky bidon”.
Me 31 vota, përfshi dy anëtarë të “kapur lirë” në merkaton e verës nga LSI, përfaqësuesit e PDIU-së dhe një i FRD-së, Veliaj e rriti çmimin e ujit të pijshëm me 44%, nga 45 lek/ m3 në 65 lekë/m3. Premtimi ishte se brenda katër viteve nga ai moment, madje që në dy vitet e para do kishte një përmirësism “spektakolar” të furnizimit me ujë të Tiranës, ndërsa për katër vite, pra 2021 përfundimisht kryeqyteti do hiqte atë damkë të kahershme me depozita mbi pallate që sipas Veliajt “sjellin ndotje, sëmundje dhe mbi të gjitha ‘dëmtonin’ imazhin”.
Po sot ka vetëm një “fjalë të mbajtur”, ata janë faturat e shtrenjta të ujit të pijshëm që qytetarët e paguajnë por ujë nuk kanë dhe kur vjen ai nuk është i rekomandueshëm për konsumim.
Bashkia e Tiranës të vetmet “informacione të rëndësishme” që japin janë kronikat televizive të kryebashkiakut Veliaj në marrje çmimesh, rikonstruksione shkollash apo paraqitjen e tij si “mëshirëmadh” në shpërndarjen e ushqimeve në qendrat sociale. Për çështjen e ujit të pijshëm nuk kanë kohë të marren me kaq “vogëlsira” sipas tyre. Spitalet po mbushen plot dhe pavarësisht një mbrojtje të dukshme nga ISHP faktet janë nëpër pavionet e spitaleve dhe klinikave shëndetësore.
