Shpërthimi në karburant, dy prej të plagosurve në gjendje të rëndë/ Detajet

Të tjera detaje janë zbuluar lidhur me zjarrin dhe shpërthimet e ndodhura në një karburant në autostradën Lezhë-Laç, ku mbetën të plagosur 6 persona.

Bëhet e ditur se dy nga të plagosurit janë në gjendje të rëndë dhe janë shtruar njëri në spitalin e Traumës dhe tjetri në repartin e djegieve në QSUT.

Nga të dhënat jo zyrtare mësohet se njëri prej të plagosurve më rëndë ka qenë drejtues i një prej automjeteve që kanë kaluar në momentin e shpërthimit pranë karburantit.

Mësohet se i plagosuri ka pësuar dëmtime të shumta në pjesën e fytyrës dhe ndodhet i shtruar në spitalin e Traumës.

LEXO EDHE  FOTO/ Tërmeti plasarit edhe muret e Kuvendit

Ndërkohë i plagosuri tjetër ka pësuar djegie në rreth 50 % të trupit dhe ndodhet i shtruar në repartin e djegies në QSUT.

Nga shpërthimi policia e shtetit informon se janë 6 persona të plagosur, mes tyre njëri në gjëndje të rëndë.

Dëshmitarët raportuan se janë dëgjuar 2 shpërthime rreth orës 22:30.

Fatmirësisht zjarrfikësit kanë ndërhyrë në kohë duke shmangur rrezikun e përfshirjes nga flakët të depozitave të karburantit.

Dyshimet janë se flakët në karburant kanë nisur nga shpërthimi i një bombule gazi, ndonëse hetimet po vijojnë.