Aksident tragjik/ Pesë të vdekur deri më tani, mes tyre një fëmijë

Një aksident i tmerrshëm ka ndodhur në Majorka të Spanjës, ku një helikopter është përplasur në ajër me një aeroplan të vogël. Raportohet për të paktën pesë të vdekur.

Tragjedia ndodhi rreth orës 1 sipas kohës lokale, ndërsa besohet se në mesin e viktimave është edhe një fëmijë.

Vendi ku ndodhi aksidenti është vetëm 30 minuta vozitje me veturë larg një pike të famshme turistike për turistët britanikë.

Bëhet e ditur se helikopteri dhe aeroplani janë përplasur afër një spitali. Autoritetet deri tash e kanë konfirmuar vdekjen e tre personave.

LEXO EDHE  Tragjike, vajza 2 vjeçare vret aksidentalisht nënën

Sidoqoftë, ekziston frika se numri i njerëzve të vdekur mund të rritet pasi disa persona të tjerë janë zhdukur dhe po kërkohen nga policia.

Ende nuk dihet kombësia e personave që ndodheshin në mjetet fluturuese, por kjo zonë vizitohet shumë nga turistët dhe nuk përjashtohet mundësia që ata të jenë në mesin e viktimave, shkruan “The Sun”.