Urdhri i fundit/ Vetëm kryeministri do udhëtojë me makinë, ministrat me autous

Sado interesante dhe e pabesueshme të duket, Suedia nuk u ofron luks apo privilegje politikanëve të saj pasi ata jetojnë si qytetarët e tjerë të zakonshëm të vendit. Ministrat suedezë dhe deputetët nuk kanë makina zyrtare ose shoferë privatë, ata udhëtojnë duke shfrytëzuar mjetet e transportit publik si të gjithë të tjerët, pra autobusë ose trena.

Po ashtu, ministrat suedezë nuk kanë imunitet dhe gjykohen nga drejtësia si kushdo tjetër nëse është i dyshuar. Një tjetër gjë interesante për politikanët suedezë është se ata nuk kanë sekretarë apo sekretare të tyren dhe zyrat e tyre raportohet se janë shumë të vogla.

“Unë jam ai që i paguaj politikanët dhe nuk shoh asnjë arsye t’u jap atyre një jetë luksoze” tha Joakim Holm, një qytetar suedez.

LEXO EDHE  Konferenca e Donatorëve, Britani e Madhe i pret "hovin" Ramës/ Ja shuma që dhuron

Politikanët që shpenzojnë para në taksi në vend që të përdorin transportin publik përfundojnë në titujt e lajmeve, pasi edhe kryetari i parlamentit ka një abonim për transportin publik.

Vetëm kryeministri, megjithatë, ka luksin të përdorë një makinë. Politikanët suedezë nuk fitojnë shumë pasi pagat e tyre janë pothuajse dy herë më shumë se ajo e një mësuesi të shkollës fillore. Madje, për zyrtarë të nivelit komunal, si asamblistë të cilët i njohim ne, nuk ka as pagë dhe as zyrë, dhe ata duhet të punojnë nga shtëpia.