Loja e kryeministrit Edi Rama me Teatrin Kombëtar duke përdorur emra të njohur aktorësh dhe regjisorësh, tashmë është kthyer në hobin e tij. Gati për çdo ditë, Edi Rama publikon në faqen e tij në facebook mesazhe të artistëve të ndryshëm, të cilët sipas tij janë dakord për prishjen e Teatrit Kombëtar dhe ndërtimin e një të riu në vendin e tij.
Një pjesë e madhe e artistëve dhe aktorëve e kanë përgënjeshtruar.
Rasti i fundit është ai me aktoren dhe regjisoren e njohur Ilire Vinca.
Ndërsa Rama shkruan se aktorja është dakord me prishjen e godinës së teatrit, Vinca ka zgjedhur përgënjeshtrimin me anë të mesazhit poshtë postimit.
Ajo i kujton kryeministrit se nuk është hera e parë që ndodh një gjë e till më të.
I thotë se nuk ka bërë një deklaratë të tillë dhe se i vjen keq që kjo ndodh.
Postimi i Ramës
Ilire Vinca, aktore dhe regjizore, me një sërë produksionesh të suksesshme dhe anëtare e Këshillit Drejtues të Teatrit Kombëtar të Kosovës, ka këtë opinion për Teatrin Kombëtar
ILIRE VINCA :
Po të kishte mundësi të ndërtohej një teatër i ri në vendin ekzistues do të ishte mrekulli. Teatri është zhvilluar shumë në vendet tjera për nga ana teknike, çka iu mundëson artistëve të sjellin në jetë kreativitetin e tyre, madje edhe i frymëzon për gjetje të reja. Përveç kësaj, një teatër i ri do të krijonte mundësi edhe teknike për punëtorët e teatrit dhe organizimin e shfaqjeve. Nga ana tjetër, edhe për audiencën do të ishte një freski. Uroj të bëhet sa më shpejt!
Mesazhi i aktores Vinca
I nderuar Kryeministër Rama, më vjen shumë keq, por me duhet ‘ju informoj që këtë mendim, nuk e kam dhënë për Teatrin Kombëtar. Është hera e dytë qe po ndodh ky keqkuptim, ndaj më duhet të sqarohem. Ju falemnderit.
DENONCO