Një person ka humbur jetën mëngjesin e sotëm si pasojë e një aksidenti rrugor në aksin Milot-Mamurras.
Aksidenti ka ndodhur afër mbikalimit të Patokut në Kurbin.
Një kalimtare ka dashur të kalojë nga njëra anë e rrugës në tjetrën, kur është përplasur nga një makinë.
Mësohet se viktima është shtetasja A.M, 54 vjeç. Policia ka nisur hetimet.
NJOFTIMI
Sot, rreth orës 07:15, në superstraden Lezhë – Tiranë, në afërsi të vendit të quajtur ” Mbikalimi i Patokut”, mjeti tip Volkswagen me drejtues shtetasin H.A. banues në Kosovë, ka aksidentuar shtetasen këmbësore A.M. vjeçe 54, banuese në Mirditë e cila ka ndërruar jetë rrugës për në spital.
Shtetasja A.M., në momentin e aksidentit, ka qenë duke tentuar të kalojë në anën tjetër të rrugës, përmes superstrades.
Drejtuesi i mjetit është shoqëruar në ambientet e Policisë për veprime të mëtejshme hetimore procedurale.
Grupi hetimor vazhdon veprimet hetimore në vendngjarje për zbardhjen e plotë të rrethanave të aksidentit.