Kreu demokrat Lulzim Basha i është përgjigjur Presidentit Ilir Meta lidhur me një thirrje të tij, të pak ditëve më parë, kur solli në vëmendje opozitën në Serbi, gjatë kohës së Sllobodan Millosheviç.
Në mesazhin e tij, Meta tha se opozita në Serbi u bashkua, fitoi zgjedhjet dhe çoi Millosheviçin në Hagë.
Ndërkohë, kreu demokrat Basha duke vlerësuar rolin e Presidentit, tha se Meta po përpiqet të ndihmojë në zgjidhjen e krizës, thelbi është i njëjtë, duam të vijmë në pushtet me zgjedhje, qëndrimi ynë ndaj zgjedhjeve të organizuara nga Edi Rama ka qenë i qartë, transparent dhe i faktuar pas 30 qershorit.
“Ne duam zgjedhje të lira e të ndershme, zgjedhje pa Ramën në një ditë me zgjedhjet vendore dhe kushtetuese.
Procesi kërkon dialog dhe ne ua kemi bërë të qartë ndërkombëtarëve se jemi gati të kontribuojmë, por ka një palë që e ka refuzuar që është Edi Rama dhe kupola e organizatës së Rilindjes.
Ky është një zhvillim shumë i rrezikshëm, se po refuzon zgjidhjen e krizës me parime evropiane, jo përmes pazarit se Rama do pazar, dhe jo zgjidhje përmes normave demokratike”, tha Basha.
