Në debatin mbi Teatrin Kombëtar, Kryeministri Edi Rama që ka shfaqur një qëndrim të prerë për shembjen e godinës ekzistuese, ka publikuar sot qëndrimin e një tjetër artisteje, që, sipas tij, mbështet ndërtimin e një Teatri të ri.
Rama ka postuar në rrjet qëndrimin e Ema Andreas, që sipas Kryeministrit, shprehet “unë do doja t’i përkisja sot, si Ema, brezit që po ndërton të ardhmen, pra të vihet një gur sot që mua të më përfaqësojë në 2220. Më pëlqen arkitektura e re, më pëlqejnë sfidat kontemporane”.
Postimi i plotë:
Ja sa qartë dhe bukur shprehet dhe Ema Andrea, një ndër emrat më të spikatur të skenës, në mbështetje të ndërtimit të Teatrit të ri Kombëtar
EMA ANDREA:
Unë do doja t’i përkisja sot, si Ema, brezit që po ndërton të ardhmen, pra të vihet një gur sot që mua të më përfaqësojë në 2220. Më pëlqen arkitektura e re, më pëlqejnë sfidat kontemporane. Jam për një teatër të ri, për më tepër kur thuhet se ka këto kushte, por tani meqë janë këto kushte dhe ne i dimë dhe po i themi hapur të gjitha kushtet, kush e mban përgjegjësinë?
