Autoritetet holandeze kanë reaguar me një deklaratë lidhur me personin e vdekur, i cili dyshohet se është ekzekutuar në provincën e Utrehtit.
Nga përshkrimet e bërë, policia shprehet se viktima është gjetur pasditen e të premtes së kaluar nga një kalimtar i rastit në kanalin Amsterdam-Rhein pranë një fshati në provincën e Utrehtit dhe i përket një 43-vjeçari shqiptar emrin e të cilit nuk e ka bërë të ditur.
Sipas policisë, personi në fjalë ka munguar për një periudhë kohore në kontaktet me të afërmit dhe të njohurit e tij.
“Të premten pasdite, më 19 korrik, mbetjet e një personi u gjetën në kanalin Amsterdam-Rhein pranë një fshati në provincën e Utrehtit. Filloi një hetim penal dhe çoi në një 43 vjeçar nga Shqipëria. Rreth orës 17:00 një kalimtar pa diçka që lundronte në ujë. Hulumtuesit mjeko-ligjorë filluan një hetim.
Rezultatet treguan se mbetjet i përkasin një 43-vjeçari nga Shqipëria. Ky person ka munguar për disa kohë. Policia po vazhdon hetimet. Dëshmitarëve u kërkohet të ndajnë informacionin e tyre me ekipin hetues: +31 793459800”, ishte përgjigja e Policisë holandeze dhënë për Fax News.
Kujtojmë se tre ditë më parë nëpër mediat shqiptare u përhap lajmi se ky atentat ishte bërë ndaj presidentit të vetëshpallur të Republikës së Çamërisë, Festim Latos kjo bazuar në një deklaratë të kryeministrit të vetëshpallur të Republikës së Çamërisë, Ali Aliu i cili tha se Lato ishte ekzekutuar në Holandë dhe vrasja e tij kishte prpavijë politike.
Por pavarësisht kësaj, ende nuk ka një informacion që do të zbardhte gjithë ngjarjen si dhe të kishte një përfundim të saktë nëse personi në fjalë është është Festim Lato apo jo, veç kësaj, informacionet e mësipërme të Policisë informacionet e mësipërme të Policisë nuk provojnë deklaratat e Aliut./Faxnews/
