Vritet me thikë i riu shqiptar në Itali (FOTO)

Perditësuar/ Ka ndërruar jetë 18-vjeçari shqiptar i plagosur me thikë nga një bashkatdhetar në Udine të Italisë.

I riu, identiteti i të cilit nuk behet me dije ka ndërruar jetë në spital.

Dyshimet për sherrin me shqiptarin tjetër që e goditi disa herë me thikë në bard, 17-vjeçar, lidhen me konfliktet për shpërndarjen e drogës, sipas raportimeve të fundit të mediave italiane.

***

(Ora 18:00) Plagoset shqiptari

Një 18-vjeçar shqiptar ndodhet në gjendje të rëndë shëndetësore në spitalin e Udines në Itali, pasi është qëlluar me thikë në bark nga një bashkatdhetar, ende i mitur.

Episodi ndodhi këtë pasdite në afërsi të një qendre pritjeje në sheshin “Libia”, në zonën qendrore të “San Domenico”, referuar mediave italiane.

LEXO EDHE  Shpërthimi i karburantit në Lezhë, policia jep lajmin e madh

Sipas një rindërtimi paraprak të ngjarjes, ai që qëlloi 18-vjeçarin ishte një adoleshent shqiptar, banues në qendrën e pritjes “Comunità Piergiorgio”. Edhe ky i fundit raportohet se është lënduar lehtë, pasi është goditur në kokë dhe shpatull.

Shkaqet e sherrit nuk dihen ende, megjithatë raportohet se mes të dyve, prej kohësh, kishte marrëdhënie shumë të tensionuara. I plagosuri rëndë raportohet se banonte në një tjetër qendër në qytetin e Udines.

Ai i është nënshtruar një ndërhyrje kirurgjikale në spital dhe po lufton për mbijetesë. Identitetet e protagonistëve nuk bëhen me dije nga raportimet e mediave italiane. /BN/

(Foto nga vendngjarja)