Ish-deputeti dhe ish-ministri socialist Elmas Sherifi ka reaguar përmes një komenti në rrjet lidhur me dy vendimet e dhëna nga gjykata e Durrësit, që kundërshtojnë njëri-tjetrin përsa i takon votimeve të 30 qershorit.
E ndërsa në datën 17 korrik një prej gjyqtareve të Gjykatës së Rrethit Gjyqësor Durrës shpalli zgjedhjet e pavlefshme me argumentin se Bindja Demokratike ishte regjistruar përtej afateve, dje një tjetër gjyqtar, për të njëjtën çështje, atë të çertifikimit të mandatit të Valbona Sakos, legjitimoi procesin.
Sherifi shkruan në rrjet se ky akt tregon se drejtësinë e jep partia.
Komenti i Elmas Sherifit
“Drejtesine e jep partia” !
Gjykata e Durresit jep dy vendime per te njejten ceshtje.
Gjykatesia shqyrtoi kerkesen e kandidates per kryetare bashkie dhe vendosi ta shpall nul procesin zgjedhor. Ndersa Dy dite me vone gjyqtari pranoi kerkesen e Partise Socialiste dhe e legjitimoi vendimin e KQZ qe e shpallte kryetare te bashkise, kandidaten e PS.
Edhe une nuk e konsideroj te drejte vendimin e gjyqtares. Por vendimi i saj mund te anullohej nga Gjykata kompetente. Cila norme ligjore e legjitimon kerkesen e Partise, kur ceshtja ishte gjykuar ? Reforma ne Drejtesi ?
Pergjegja nenkuptohet. Drejtesine e jep partia ! Rrofte Partia !
