Shqiptarit i prenë këmbën në ’97, francezët ia përdorin për…

Një shqiptari të plagosur gjatë viteve ’97 në Shqipëri, i është rikthyer historia tronditëse. Foto të këmbës së tij të prerë janë përdorur në paketat e cigareve.

Në ’97 shqiptari u sulmua dhe i prenë njërën këmbë. Sot ai jeton në qytetin verilindor të Metzit në Francë, dhe që prej kohës kur humbi këmbën e tij të majtë, kujdesej dhe kishte kërkuar nga doktorët që ndiqnin problemin e tij, që ata të bënin kujdes me fotot apo të dhënat lidhur me dëmtimin që ai kishte në trup.

Por një ditë djali i tij kishte dërguar në shtëpi një paketë cigare, e cila mbante foton e këmbës së tij të prerë. Dhe ku poshtë saj shkruante se: “Duhani dëmton arteriet tuaja”. Dhe kjo është bërë,  siç ndodh rëndom për fakin që të paralajmërojnë njerëzit se duhani sjell këto dëme.  Por në të vërtetë ky dëmtim që ka shqiptari në këmbë, nuk ka lidhje me duhanin, sepse shqiptarit ju pre këmba gjatë trazirave në Shqipëri gjatë vitit ’97.

LEXO EDHE  Kërcënoi me armë një person, arrestohet 31-vjeçari i shpallur në kërkim

Supozohet që fotografia e këmbës së prerë të shqiptarit të jetë marrë nga spitali ku ai është vizituar.

“Ne u habitëm. Ne nuk e besuam atë.”- deklaroi familja e tij.

Avokati i tij Antoine Fittante tha: -“Është tepër e pabesueshme që një person të gjejë fotot e tij në paketat e cigareve, në të gjithë Bashkimin Evropian pa pëlqimin e tij.” Fittante shtoi se klienti i tij ndihet i tradhëtuar dhe se dinjiteti i tij është dëmtuar.

Fotografitë në paketën e cigareve, zakonisht shpërndahen nga Komisioni Evropian dhe merren nga një bazë të dhënash e miratuar, ku njerëzit që shfaqin imazhet e tyre e kanë dhënë pëlqimin e tyre.

Marrë dhe përshtatur nga Ddailymail