Kryeministri i Kosovës, Ramush Haradinaj, u pa me lot në sy ndërsa jepte dorëheqjen e parevokueshme nga posti që mban, me arsyen se nuk kërkon të njollosë emrin e Kosovës në Gjykatën Speciale të Hagës.
Edhe pse Haradinajt është gjykuar dhe rigjykuar disa herë për të njëjta akuze në Hagë, edhe pse gjithmonë është shpallur i pafajshëm, ai do të paraqitet sërish para kësaj gjykate, por atje kërkon të shkojë si qytetar dhe jo si kryeministër i Kosovës, pasi kërkon të ruajë nderin dhe dinjitetin e vendit të tij.
Me lot në sy dhe me një zë që i dridhet kemi parë shpesh edhe kryeministrin Edi rama, por fatkeqësisht jo për hallet e vendit por për interesa personale.
Të gjithë i mbajmë mend sytë e përlotur të Ramës kur shqiptarët e detyruar t’i thoshte ‘Jo’ armëve kimike. Gjithashtu me lot në sy dhe mjaft i indinjuar Rama dilte në tv sa herë ministrat, deputetët, kryebashkiakët e tij dilnin përfliteshin për lidhje të forta me krimin.
Pra Rama qante kur ata akuzoheshin se kishin lidhje me krimin, por kurrë nuk tha gjysmë fjale kur këto akuza faktoheshin dhe kriminelët e Ramës përfundonin para drejtësisë.
Madje Rama qau dhe u përlot kur i përmendin vilën në Surrel, por në asnjë moment nuk foli se ku i gjeti milionat për ta ndërtuar atë.
Pra ndryshimi i lotëve të Ramushit dhe Ramës është fare i thjeshtë, të parat janë lot burri shteti, kurse të dytat lotët e një burreci, që ende nuk e ka kuptuar që është kryeministër. /Boldnews.al
