Perditesuar/ Policia e Tiranës ka konfirmuar se katër persona mbetën të plagosur nga shpërthimi në zonën e “Bllokut”, tre vajza dhe një djalë. Në një njoftim paraprak të ngjarjes, saktësohet se shpërthimi ndodhi në një dyqan eventesh.
“Rreth orës 13:15 në rrugën ‘Vaso Pasha’ në ambientet e një dyqani eventesh ka shpërthyer një bombol gazi. Si pasojë e shpërthimit janë dëmtuar shtetasit S. P dhe A. P, E. N dhe D.S të cilët u dërguan në Spital për ndihmë mjekësorë. Grupi hetimor ndodhet në vendngjarje dhe po vijon punën për sqarimin e rrethanave të ngjarjes”, njoftoi policia.
Ndërkohë, shefi i zjarrfikësve në Tiranë ka deklaruar se bombola që ka shpërthyer ishte vendosur në bodrumin e biznesit.
***
Shpërthim i fuqishëm në ‘Bllok’, rritet numri i të plagosurve
Në zonën e “bllokut” në Tiranë ka ndodhur një shpërthim. Nga raportimet paraprake, flitet për 4 persona të plagosur. Dyshohet se ka shpërthyer një bombul gazi.
Ngjarja ka ndodhur në zonën e njohur si ish-Blloku, më skatësisht tek ish-bar Berlin.
Gjithë zona është mbuluar nga tymi.
Në vendngjarje kanë shkuar forcat e policisë dhe ato zjarrfikëse që kanë nisur punën për fikjen e zjarrit.
https://streamable.com/pgf32
