Katër persona kanë mbetur të plagosur nga shpërthimi këtë të hënë në kryeqytet, në bodrumin e një argjendarie. Dy prej tyre raportohet se janë në gjendje të rëndë.
Kalimtari dhe punonjësja – Eneda Nura 18 vjeç dhe Ardaniel Serjani 23 vjeç, janë dy nga katër të plagosurit. Ata janë transportuar në spitalin e Traumës dhe po marrin mjekime. Raportohet se Nura ishte punonjëse në biznesin ku ndodhi shpërthimi, ndërsa Serjani kalimtar. Gjendja e tyre është e stabilizuar.
Pronarët e biznesit – Ndërkohë, pronarët e argjendarisë ndodhen në gjendje të rëndë. Bëhet fjalë për çiftin e bashkëshortëve Sokol dhe Alma Pirra.
“Drejtoria e Qendrës Spitalore Universitare “Nënë Tereza” bën të ditur se sot në datën 15.07.2019 në Shërbimin e Djegie-Plastikës kanë ardhur me urgjencë në gjendje të rëndë shëndetësore me djegie në të gjithë trupin, pacientët me inicialet S.P, 52-vjeç dhe A.P, 43-vjeçe. Gjendja e tyre shëndetësore sipas mjekëve të shërbimit të Djegie Plastikës, paraqitet e rënduar si pasojë e djegieve të rënda në të gjithë sipërfaqen e trupit. Stafi mjekësor i QSUT është në gatishmëri të plotë për tu kujdesur për këta pacientë, duke zbatuar të gjitha protokollet mjekësore dhe duke i mbajtur në monitorim të vazhdueshëm në reanianimacionin e shërbimit të Djegie Plastikës”, njoftoi QSUT.
Nga hetimet parapake, shpërthimi i një bombole gazi ndodhi në bodrumin e një argjnedarie dhe biznesi eventesh rreth orës 13:15, në rrugën ‘Vaso Pasha’.
VIDEO-FOTO/ Shpërthim në ‘Bllok’, konfirmohen 4 të plagosur, bombola në bodrumin e biznesit
