Komisioni i Pavarur i Kualifikimit ka rrëzuar kërkesën e Gjyqtarit të Gjykatës së Tiranës, Ilir Mustafaj, për përjashtimin e trupës gjyqësore.
Një seancë më parë Mustafaj kërkoi përjashtimin e trupës gjyqësore me pretendimin se ishin të njëanshëm në shqyrtimin e provave të depozituara prej tij dhe për shkak se KPK nuk vlerëson anënën profesionale dhe integritetin moral, por është përqëndruar vetëm tek vlerësimi i psurisë. Për gjyqtarin Mustafaj, kjo është e padrejtë.
Gjatë seancës së sotme Gjyqtari i Gjykatës së Tiranës, Ilir Mustafaj, i cili është njëri nga kandidatët për Gjykatën Kushtetuese, është njohur me provat e depuzituara nga ana e ILDKPI-së dhe me hetimin që ka kryer vet KPK. Relatorja e çështjes Xhensila Pina deklaroi se ILDKPI ka dorëzuar raport pozitiv përsa i përket pasurisë. Ndërkohë në seancë u tha se nga hetimi i bërë del se ka mospërputhje për një apartament në deklaratat e vitit 2007 dhe në atë të bërë për Vetting. Mospërputhje kanë dalë edhe për çmimin e deklaruar për apartamentin e blerë në këtë vit.
Për periudhën 2003 – 2013 ka rezultuar me probleme financiare në tre vite.
Në seancë ka reaguar gjyqtari Ilir Mustafaj, i cili ka kërkuar të gjykohet sipas të drejtave të njeriut. Ai ka shpjeguar të gjitha mangësitë e punës së KPK-së që nga momenti i njoftimit deri tek mënyra sesi kanë vepruar për ta dëgjuar.
“Më ka ardhur nga KPK vendimi i datës 19 qershor për rrëzimin e kërkesës sime për përjashtimin e relatores Xhensila Pine. Më 28 qershor kam dërguar shkresën duke kërkuar parashtrimet e relatores, transkriptimin e bisedës në telefon me relatoren në datën 19 qershor. Në datë 2 korrik, nuk më ka ardhur transkriptimi i bisedës. Kam kërkuar sërish transkriptim të bisedës, për të bërë mbrojtjen, por nuk më ka ardhur asnjë përgjigje e mëvonshme nga KPK.
I kam kërkuar KPK-së të më vërë në dispozicion arsyet, orën dhe pse jam marrë në telefon nga zonja Pine”, është shprehur Mustafaj.
