Për herë të parë në Shqipëri është zhvilluar konkursi i qethjes së dhenëve në bashkinë e Korçës ku morën pjesë 15 blegtorë të zonave të ndryshme të qarkut të Korçës por edhe nga Skrapari apo Tirana.
Konkursi kishte të bënte se kush e qeth më shpejt një dele dhe fituesi u shpërblye me një çmim. Për garuesit, qethja e dhenëve është pasion, madje për disa prej tyre ky zanat i ka shoqëruar gjatë gjithë jetës, që në moshë të vogel.
Sipas blektorëve, proçesi i qethjes është një proçes i vështirë që ndodh 3 herë në vit, ndërkohë që është tepër i domosdoshëm për një shëndet sa më të mirë të kafshës.
Ky konkurs që këtë vit ishte i lokalizuar vetëm në një biznes privat, do të futet në kalendarin e aktiviteteve të bashkisë së Korçës për vitet në vijim, me pjesëmarrjen edhe të bizneseve të tjerë.