Pas vendimit të Kolegjit Zgjedhor për të rrëzuar dekretin e presidentit Ilir Meta që anulonte zgjedhjet e 30 qershorit, një foto-meme po qarkullon me shpejtësi në rrjetet sociale, dhe është kthyer në hitin e momentit.
Kjo foto, me në fokus anëtarët e Kolegjit Zgjedhor është montuar dhe brenda fotos është vendosur diktatori Enver Hoxha.
Mbishkrimi me të cilin po shpërndahet imazhi është: Vendi po shkon drejt përplasjes, mbajini mend mirë këto fytyra!
Kolegji Zgjedhor rrëzoi sot për herë të parë dekretin e Presidentit Ilir Meta. Vendimi i Kolegjit ende nuk është zbardhur për argumentet që Kolegji ka marrë për bazë për rrëzimin e këtij dekreti, por kjo ishte përballja e parë e dekretit të Metës për anulimin e zgjedhjeve me një institucion në mungesë të gjykatës Kushtetuese.
