Teksa partia Socialiste ka paralajmëruar një miting në Shkodër në kuadër të fushatës për 30 qershorin, PD do të organizojë një marshim.
Kryebashkiakja e qytetit verior Voltana Ademi, njëkohësisht nënkryetare e PD në Shkodër, dha detaje lidhur me marshimin.
“PD ka organizuar një marshin qytetar, të rinj e të reja që janë mobilizuar në formën e një reagimi kudër asaj që po ndodh dhe që kemi parë para disa ditësh me uzurpimin e disa institucioneve”, tha Ademi, duke iu referuar vijimit të punës në KZAZ, që është në kundërshtim me dekretin e Presidentit.
“Si në vitin 1945, deputeti i PD Bardh Spahia është burgosur, pa pasur një fletëthirrje dhe një procedurë të rregullt. Kemi informuar policinë që ka detyrë të garantojë ecjen e lirë në rrugët e qytetit. Pata një takim me përfaqësues të policisë dhe i kërkova qetësi, maturi, i sigurova që ne do jemi korrekt”, tha Ademi në një prononcim për News24.
Ajo foli edhe për lejen e mohuar për PS-në, për zhvillimin e mitingut në kuadër të 30 qershorit.
“Shkresa është dërguar subjektit politik dhe komisariatit të policisë në përgjigje të shkresës së djeshme duke i informuar se në kuadër të dekretit të Presidentit është ndaluar ushtrimi i mitingjeve farsë dhe të paligjshme elektorale”, deklaroi Ademi.
Mitingje të tilla janë antikushtetuese, u shpreh Ademi, ndërsa shtoi se jemi në kushtet e “një shtetrrethim dhe uzurpimi të pagjëshëm”.
LEXO EDHE: *Urdhri për ndalimin e mitingut në Shkodër/ Rama paralajmëron për viktima