Kryeministri Edi Rama, teksa përmendi ndalimin e mitingut të PS nga kryebashkiakja e Shkodrës Volta Ademi, foli për 2 Prillin, masakrën në Shkodër ku mbetën të vrarë 4 presona nga qeveria e fundit e komunizmit.
“Mbase plani është për të bërë një 2 prill tjetër këtë pasdite se historia ka treguar se s’ka asnjë vizion ndryshuar në kokën e atij që është realisht kreu i PD”, tha Rama nga foltorja e Kuvendit.
“Sot kemi planifikuar takimin elektoral në Shkodër. Për herë të parë që nga viti 1991, qysh se ne kemi nisur fushatën elektorale, rishfaqet fenomeni i dëshpëruar në shëmtinë e vet anti-minigashëve. Ka pasur Shqipëria dhe momente të rënda realisht, por ka pasur konsensus mes forcave politike që s’pengonin aktivitetin e njëri-tjetrit. Enveristët e ‘91 që përpiqeshin t’i zinin rrugën partisë së sapolindur PD sot rishfaqen në grahmat e asaj partie që ka humbur busullën dhe sensin e misionit për të cilën lindi dhe rrogëtarët e paguar nga taksat në nivelin vendor po i përdor siç përdorte asokohe Partia e Vjetër e Punës disa falanga njerëzish pa të ardhme. I trashtë është fakti që njësoj si në atë kohë, nuk ka as shumicën e shqiptarëve dhe asnjë mik e partner kombëtarë në krah. Të gjitha janë kundër gjithë kësaj që ndodh. A nuk iu kujton kjo Haxhi Qamillin që thoshte sa të kem Shijakun dhe Kavajën me vete nuk e …për Francën dhe Anglinë. Pjesa e trishtueshme është pjesa e njerëzve të përdorur që po humbasin të drejtën që të punojnë për shtetin. Janë në shkelje flagrante të ligjeve edhe pse mund të ndjehen të imunizuar nga ligji. Jeta vazhdon edhe pas 30 qershori. Duan apo nuk duan, do të jetë dita e zgjedhjeve. Sidoqoftë ajo që na takon është ç’ka i takon kujtdo që është me të drejtën që të jemi të vendosur dhe të vetëpërmbajtur. Mbase plani është për të bërë një 2 prill tjetër këtë pasdite se historia ka treguar se s’ka asnjë vizion ndryshuar në kokën e atij që është realisht kreu i PD, nuk ka ndryshuar asgjë në qasje dhe metotë të liderit suprem”, u shpreh kryeministri.