Rama shpërthen në akuza personale ndaj Metës: U burrërua pas skandaleve. Është mësuar të tundojë Zotin, edhe mbret po ta bësh…

Nga foltorja e Kuvendit, kryeministri Edi Rama kaloi në sulme personale ndaj Presidentit Ilir Meta lidhur me vendimin e kreut të shtetit për shtyrjen e datës së zgjedhjeve. Vendimin, Rama e quajti antikushtetues, marrëzi, rrëshqitje e presidentit e një shkelje skandaloze.

“E pyes shpesh veten ç’kërkon më shumë Meta nga Shqipëria. Kujt i ka bërë Shqipëria më shumë ndere se këtij njeriu, të cilin pa mbushur ende 50 vjeç e ka bërë si askënd tjetër në histori edhe kryeministër edhe Kryetar Kuvendi edhe President të Republikës. Kujt me shumë se Metës i janë falur përçarjet, hiletë, skandalet dhe i është dhënë mundësia të rilindë i kthjelluar e i burrëruar. E kanë toleruar për zararet e për rrëshqitjet”, tha Rama.

“Historia e shtetit shqiptar se gjen një të dytë që të jetë kaq zemërgjerë. Iliri është mësuar keq e mos më keq, ta tundojë Zotin e tij, ta përqesh fatin e tij, duke u bërë vend e pavend një personazh ku si mjafton maja ku ngjitet. Jo president po mbret po ta shpallin, jo të Shqipërisë, po të të gjithë trojeve e viseve shqiptare, Meta s’do ndihej mire, s’do qëndronte drejt. Me pakënaqësitë e tij të pashërueshme, me pangopësinë të pashpjegueshme, me pagjumësinë e pangushëllueshme. Për cilën arsye në botë duhet të bashkohet me zjarrëvësin Sali Berishën në përpjekje për të djegur Shqipërinë”, shtoi. /bn/

LEXO EDHE: Rama: Nuk jam penduar që votova Metën si President

LEXO EDHE  Rradhë kilometrike në doganën e Kakavijës, çfarë po ndodh

LEXO EDHE“Meta e po***i datën e zgjedhjeve”/ Shpërthen Rama në Kuvend: Të isha siç thotë fallxhorja i kisha larë duart me…(VIDEO)

LEXO EDHE: Ku fle lepuri? Rama zbulon ‘shkakun’: Arsyet pse Meta i shtyu zgjedhjet