Haga nuk është gati për të dhënë dritën jeshile për nisjen e bisedimeve të pranimit me Shqipërinë. Kështu shkruan Euractiv në një artikull për Shqipërinë, të cilës i është rekomanduar hapja e negociatave për të 3-in vit rradhazi nga Komisioni Europian, por që më pas i është refuzuar nga Këshilli Europian. Në artikull thuhet se një kërkesë nga qeveria e Holandës për pezullimin e udhëtimit pa viza për shqiptarët po shqyrtohet nga Komisioni Europian pasi shumica e parlamentit holandez votoi në favor të kësaj mase.
Shkrimi i EurActiv
Një kërkesë nga qeveria e Holandës për pezullimin e udhëtimit pa viza për shqiptarët po shqyrtohet nga Komisioni Europian pasi shumica e parlamentit holandez votoi në favor të kësaj mase.
Një zëdhënës për ekzekutivin e BE nuk e komentoi rezultatin e mundshëm të vlerësimit të hënën.
Ligjvënësit holandezë mbështetën një mocion që pretendon se mafia shqiptare është e lirë që të lëvizë nëpër Europë për shkak të regjimit të lirë të vizave, që është në fuqi prej mbi një dekadë.
Nëse Komisioni pranon kërkesën holandeze, do jetë Këshilli i BE që duhet të vendosë për ndryshimin e rregullave të vizave, edhe pse duket se ka pak shanse që ekzekutivi do të dalë në këtë përfundim, nisur nga fakti se së fundmi ka rekomanduar nisjen e negociatave me Shqipërinë.
Por ky nuk është i vetmi shqetësim për Tiranën këto ditë. Burimet diplomatike thonë se Haga nuk është gati për të dhënë dritën jeshile për nisjen e bisedimeve të pranimit me Shqipërinë.
