Kreu demokrat Lulzim Basha përfundoi një takim me mbështetës dhe simpatizantë të opozitës në Kurbin, ndërsa pritet të zhvillojë një takim në Lezhë.
Takimet e kreut demokrat me strukturat dhe mbështetësit e PD-së janë në vijim të një turi të ndërmarrë në qytete të ndryshme të vendit, nga ku Basha fton qytetarët që t’i bashkohen protestës së opozitës, e cila do të mbahet më 2 qershor, para godinës së Kryeministrisë.
E në përfundim të këtyre takimeve, Basha mbrëmjen e sotme do të jetë i pranishëm në iftarin që do të shtrohet për besimtarët myslimanë nga kryebashkiaku i Kamzës, Xhelal Mziu.
Përgjatë muajit të Ramazanit, shpeshherë drejtues politikë, deputetë apo kryebashkiakë shtrojnë iftar për besimtarët myslimanë.
