Kreu i opozitës Lulzim Basha, deklaroi sot nga Laçi se ka vetëm një përgjegjës për bllokimin e Shqipërisë në BE, dhe ai është kryeministri Edi Rama.
Sipas Bashës, Rama ka vënë para shqiptarëve interesat e tij personale dhe të kriminelëve që e sollën në pushtet.
“Ora e fitores po troket. Mos kujtoni se nuk ju shohim që po përpiqeni të rrëmbeni se çfarë të mundeni. Ndaleni dorën hajdute se për hundësh do ju nxjerrim ato që po i vidhni shqiptarëve. E gjithë bota e dinë si erdhëm deri këtu. Jemi i vetmi vend në Europë ku kapet kryeministri duke futur kriminelë në parlament e nuk largohet, kapet duke bërë trafik droge e nuk largohet. Jemi i vetmi vend në botë ku kapet në bashkëpunim me krimin dhe nuk largohet. Ja pra ku jemi sot, ai vetëm për karrigen e tij për pushtetin e tij, refuzon ti hapë Shqipërisë rrugën e zgjidhjes politike, rrugën e integrimit Evropian. Ka vetëm një njeri që e mban peng integrimin e Shqipërisë, dhe ky është njeriu që sa herë ka patur mundësi që të zgjedhje shqiptarët dhe jo kriminelët, ka vendosur kundër shqiptarëve”, u shpreh kryeopozitari.
