Nën thirrjet “Rama ik” dhe “Nuk ka zgjedhje pa PD”, disa qindra mbështetës të opozitës në Fier, kanë pritur kreun demokrat Lulzim Basha, në nisje të takimit të zgjeruar me strukturat dhe aktivistët e PD-së.
Pritje mjaft emocionuese e ka cilësuar kreu demokrat atë që i rezervuan në kryeqytetin e myzeqesë, duke theksuar se ky është mesazhi më i qartë, më kuptimplotë i shpresës që ka lindur, i shtrirë si një bekim anembanë vendit, ka bekuar shpirtin e çdo shqiptari të ndershëm.
“Ju po e shikoni vetë, amenmbanë Shqipërisë, e ka parë gjithë Bota të shtunën e kaluar, bashkimin tonë të pandalshëm dhe fuqinë e bashkimit, i cili rritet nga dita në ditë, rradhët e protestës popullore shtohen nga dita në ditë, ne nuk luftojmë për karrige apo pushtetin e një partie, ne luftojmë për çlirimin e Shqipërisë nga oligarkia e kusarëve, nga banda e kusarëve”, tha Basha.
Kreu demokrat u shpreh se luftojmë në këtë betejë që kurrë kur më e njëjta bandë oligarkësh dhe kriminelësh të mos marrë peng qeverinë, por të varrosim njëherë e mirë fenomenin e shëmtuar të Rilindjes.
“Ne do t’i japim fund tranzicionit të zgjatur dhe do t’a bëjmë Shqipërinë Europiane”, u shpreh Basha.
