Kryeministri Edi Rama ka shfaqur tone jo entuziaste gjatë deklaratës së sotme pas paraqitjes së progres-raportit të Këshillit Europian për Shqipërinë.
Rama theksoi se hapja e negociatave, që vendoset nga një vendim unanim i shteteve anëtare në BE, varet nga një “gjykimi politik”.
“Këshilli Europian është hapi i dytë. Dallimi është i qartë në hapin e parë, kriteret janë objektive. Në hapin e dytë gjykimi është politik dhe në këtë kohë të mbetur duhet bërë gjithçka që të influencojmë gjykimin politik”, u shpreh kreu i qeverisë, duke pranuar kështu pozicionimin e pafavorshëm, në raporto me hapjen e negociatave.
Si tre vitet e fundit, edhe këtë herë ka gjasa që të përsëritet i njëjti skenar me negociatat. Situata nuk ka ndryshuar me Francën si një kundërshtare me peshë e çeljes së negociatave, e përkrahur nga vende si Holanda dhe Belgjika.
Shtete në fjalë shohin te Shqipëria problem si korrupsioni në nivele të larta qeverisëse, mosfunksionimi i shtetit ligjor, krimi i organizuar dhe emigrimi masiv. /BN/
