Kriza politike në vend është diskutuar në një tryezë të organizuar nga “Shoqata Tirana”.
Kryetari i saj, Arben Tafaj u shpreh se tashmë është koha që njerëzit e mendjes të ofrojnë zgjidhje për situatën në të cilën ndodhet Shqipëria.
“Dialogu bëhet në rrugë, qeveria bën monolog për sukseset e saj dhe administron vetëm rrjetet sociale dhe mediat e blera. Mjedisi kombëtar është jashtë kontrollit dhe larg interesit shtetëror për zhvillim”, është shprehur kreu i shoqatës Tirana, Arben Tafaj.
Sa i përket rrezikut që vendi të përfshihet në një luftë civile, Tafaj deklaroi se “lexuar me sytë e konstitucionalistit ne jemi sot në një diktaturë ekzekutive. Republika ka rënë.
Me një trup politike në rrugë më e pakta që mund të pritet është shpërthimi i një konflikti civil, me motive që nuk kanë nevojë për frymëzime të jashtme. Në 1997 turma e bulevardit të Vlorës ishte me e vogël sesa ajo e protestave në Tiranë”.
