Bardh Spahia, ish-deputet i PD-së, ka reaguar ndaj deklaratave të kryeministrit Edi Rama lidhur me shëndetësinë.
Spahia shkruan në rrjet se me vetëdije kriminale dhe papërgjegjshmërinë e një të sëmuri psikik, Rama deklaroi para sallës së mbushur me mjekë, të detyruar të shkonin në takim, se ata paguhen më mirë se kolegët e tyre në Gjermani.
Spahia shkruan se Rama e di mirë të vërtetën, por gënjeshtrën e ka bërë pjesë të pandarë të vetes.
Postimi i Bardh Spahia
PACIENTI KRYEMINISTER
Sot Rama luajti rolin e gaztorit kryesor ne tragjikomedine ku eshte zhytur prej 6 vitesh shendetsia publike.
Me vetedije kriminale dhe papergjegjshmerine e nje te semuri psikik deklaroi para salles se mbushur me mjeke te detyruar te shkonin ne takim se mjeket shqiptare paguhen me mire se koleget e tyre ne Gjermani.
U foli per paga e bonuse imagjinare kur pak metra me larg salles ku zhvillohej takimi ndodh cdo dite drama e mijera pacienteve qe perballen me kushtet skandaloze ne Qsut, me mungesat e ilaceve, me radhet e pafundme per konsulta e ekzaminime.
Ndjeva keqardhje per ata kolege qe degjuan delirimet e tij. Sigurisht qe do te donin te ishin diku tjeter aty ku puna e tyre vleresohet me dinjitet, ku kushtet e punes nuk i perballin cdo dite me paciente te pamundur e te irrituar.
Si nuk e pyeti dikush kryeministrin ; nqse kushtet jane keto qe ju po deklaroni per cfare arsye absurde cdo vit braktisin vendet e punes mbi 150 mjeke? Pse 70% e punonjesve te shendetsise te intervistuar nga nje sondazh serioz deklarojne se duan te ikin nga Shqiperia?
Rama e di mire te verteten por genjeshtren e ka bere pjese te pandare te vetes. Pjese e kesaj genjeshtre dhe mashtrimi te madh eshte dhe portali “mjekë per Shqiperine” i hapur sot.
DENONCO