Eno Mata besohet se ishte edhe shënjestra e atentatit të djeshëm në Vlorë. 32-vjeçari mbeti i plagosur, ndërsa shoku i tij, Sotiraq Mëhilli 22 vjec mbeti i vrarë. Por Eno Mata, ose Aleksandro Mata ishte një emër i njohur për drejtësinë greke.
Ai ishte i kërkuar për vrasjen e avokatit grek Mixaleis Zafeiropoulos si dhe për grabitjen e një argjentarie. Në Qershor të vitit 2018, Eno Mata kishte marrë pjesë në një tjetër grabitje, ku kishte lënë edhe një shënim për policinë me mbishkrimin “Maradona fluturues” dhe thoshte se nuk është i përfshirë në vrasjen e avokatit Zafeiropoulos.
Mediat greke thonë se Eno Mata dhe disa shqiptarë të tjerë grabitën një argjendari në rrugën “Zografou” në Athinë. Para se të largohej, Mata la një shënim për policinë greke.
“Sa i përket çështjes së z.Zafeiropoulos, jemi të dy viktima. Unë di të mbaj përgjegjësinë time. Nëse do ta dija si do të shkonin punët, nuk do të bëhej kështu siç u bë. Po, unë vjedh, por nuk jam vrasës”.
Kjo është letra e Eno Matës, ku në fund të letrës kishte lënë shënimin “Maradona fluturues”.
31-vjeçari shqiptar është rritur në qytetin Arkadia në Greqi dhe ka luajtur futboll me ekipin e atij qyteti. Shokët e tij e thërrisnin “Maradona shqiptar” për shkak të aftësive të tij në futboll.
Aleksandër Mata është njëri prej të dyshuarve të vrasjes së avokatit Zafeiropoulos, ngjarje e ndodhur në Athinë. Mikel Brahimaj është arrestuar si personi që qëlloi për vdekje avokatin. Mbrëmjen e 12 Tetorit 2017, Brahimaj ishte së bashku me Aleksandër Matën në zyrën e Zafeiropoulos. Vet Mikel Brahimaj ka pranuar para policisë greke se qëlloi për vdekje avokatin.
Ndërsa Mata u arratis drejt Shqipërisë pas ngjarjes. Ai dyshohet se ai ka qenë i përfshirë edhe në grabitjen e një filiali banke në Greqi.
U vra në atentat gjatë natës, flasin banorët e zonës: Ishin…
