Atentat gjatë natës, 1 i vdekur dhe 1 i plagosur

Eno Mata (majtas) dhe Sotiraq (Raqi) Mehilli

Një i ri mbeti i vrarë ndërsa një tjetër u plagos në një atentat me armë zjarri në qytetin bregdetar të Vlorës.

Ngjarja ka ndodhur rreth orës 01:00 të së hënës (27 maj) në fshatin Poro të Novoselës.

Viktima është shtetasi Sotiraq (Raqi) Mehilli 22 vjeç, ndërsa është plagosur shoku i tij Eno Mataj, 32 vjeç.

Sotiraq (Raqi) Mehilli

Dy të rinjtë kanë qenë duke udhëtuar me motor kur janë qëlluar me breshëri automatiku.

Policia thotë se dy të rinjve u kanë zënë pritë. Mëhilli e Mata janë pritur deri sa të kthehen për në banesat e tyre, teksa në mes të rrugës janë qëlluar me breshëri kallashnikovi , duke i lënë të dy të plagosur rëndë.

Eno Mataj

Ata janë dërguar drejt spitalit Rajonal të Vlorës, ku 22-vjeçari Mëhilli ka ndërruar jetë, si pasojë e plagëve në trup.

Mjeti i autorëve gjendet i vdjegur në Bishan-Pak minuta pas ngjarjes, duke përsëritur skemën e ngjarjeve të mëparshme të këtij muaji, policia ka gjetur në afërsi të fshatit Bishan një automjet  tip “Benz” të djegur.

LEXO EDHE  Sërish shifra të larta, 26 raste të reja me COVID-19

Vetëm pak km larg vendit të ngjarjes, në automjet janë gjetur të shkrumbuar edhe 2 kallashnikovë,  armë qe dyshohet se janë perdorur në atentat, duke lënë pak hapësirë për ekspertizë daktiloskopike.

Policia lokale është angazhuar në një operacion të përbashkët me FNSH për kërkimin e autorëve, të cilët kanë përfituar nga erresira dhe terreni për tu larguar.

Kush është viktima dhe i plagosuri– 22 vjeçari i mbetur i vdekur në këtë atentat rezulton i paskeduar nga policia dhe pa të kaluar kriminale. Dyshohet se shënjestra e atentatit ka qenë 32-vjeçari Mata, i  rikthyer prej pak muajsh nga Greqia, ku ishte përshirë dhe dënuar për një seri grabitjesh. Në një prej grabitjeve në Greqi, Mata akuzohet se ka vrarë një avokat.

U vra në atentat gjatë natës, flasin banorët e zonës: Ishin…