U vra në atentat gjatë natës, flasin banorët e zonës: Ishin…

Eno Mata

Banorët e fshatit Poro kanë reaguar të tronditur nga atentati ku 22-vjeçari Sotiraq Mhilli mbeti i vdekur dhe shenjstra Eno Mata është në gjendje të rëndë në spital.

Ata shprehen se të dy djemtë ishin shumë të sjellshëm dhe se nuk kishin sjellë problem në zonën ku jetonin aktualisht.

Një grua është shprehur se viktimës Mhilli, pak kohë më parë i kishte vdekur babai nga një sëmundje e rëndë.

“Babai i ka vdekur nga një sëmundje e keqe. Unë s’e njihja si fytrë, por në përgjithësi familje e mirë janë. Mata rrinte në Greqi. Familjen atje e ka. Ne nuk dëgjuam gjë sese banojmë më tutje, por tani e morëm vesh. Eno është rritur këtu, njëri pa problem, djalë i mirë shumë,”– është shprehur një banore.

LEXO EDHE  Makina kthehet përmbys, aksident i frikshëm në Tiranë (FOTO)

Ndërsa një tjetër tregon se është tronditur dhe i ka ardhur shumë keq për ngjarjen kur e ka marrë vesh.

“Djem punëtorë, i njihja të dy. Më erdhi shumë keq. Sotiraqi vetëm të ëmën ka. Unë po vija me qumështin këtu dhe kur shikoj, kishte ardhur policia. Të shtëna s’kam dëgjuar.

Eno familjen e ka në Greqi, por s’dimë të ketë patur problem. Ai është djalë i mirë, i sjellshëm. Të dy merreshin me bujqësi,”– tregon banori Toli Bërdalli.