Ish-deputeti socialist Andis Harasani ka ironizuar kryeministrin Edi Rama lidhur me letrat publike që i ka drejtuar prej disa ditësh kreut të opozitës, Lulzim Basha.
Sot Rama i drejtoi letrën e 5-të Bashës në më pak se 4 ditë, duke e ftuar në dialog pa kushte, por njëkohësisht duke i thënë se zgjedhjet e 30 qershorit as do të shtyhen, as mund të shtyhen dhe as mund të bllokohen. Gjithashtu Rama shprehet se nuk ka ndërmend të dorëhiqet, ndërsa ironizon edhe protestat e opozitës. Në anën tjetër, Basha në përgjigjen e tij shpreh vendosmërinë për të vijuar betejën me atë që e quan si të keqen e shqiptarëve.
Në këtë situatë, Andis Harasani, përmes rrjeteve sociale ka zgjedhur t’i drejtojë një mesazh ironizues Ramës.
“Daj pse nuk i bo zgjedhjet lokale sot dhe pastaj ke kohë plot deri 30 qershor me i cu dy letra në ditë Lulit?”, shkruan Harasani.
