Ambasadori i OSBE në Tiranë Bernd Borchardt ka dalë sërish hapur në mbështetje të qeverisë dhe ka sulmuar opozitën.
Në një reagim këtë të mërkurë, Borchardt ka vendosur ti japë një ‘leksion’ opozitës, se si të bëjë punën e vet, në shërbim të Ramës dhe të qeverisë së tij…
“Ne vazhdojmë t’u themi atyre që janë brenda dhe jashtë parlamentit – dhe këtë e përforcojmë me punën tonë këtu – se qeveria ka nevojë për opozitë demokratike më serioze dhe më efektive. Qeveria ka nevojë të sfidohet dhe kritikohet; ajo ka nevojë të shtyhet drejt reformave që synojnë shqiptarët”, është shprehur ambasadori i OSBE-së, duke siluruar opozitën dhe kauzën e saj për zgjedhje të lira e të ndershme.
Ambasadori ka shkuar edhe më tej teksa në shënjestrën e sulmeve e ka graduar edhe te protestat që zhvillon opozita. Për këtë nuk ka ngurruar aspak të përdorë si paralelizëm protestën e studentëve, të cilët kanë paralajmëruar të mbushin sërish sheshet pas mashtrimit nga Rama dhe qeveria e tij se kërkesat që parashtruan, do të plotësoheshin. “Studentët janë të ndryshëm nga grupet e vogla që sulmojnë me molotov”, është shprehur ambasadori.
Fjalim në fakt që që të krijon idenë sikur ambasadori i OSBE-së në Tiranë nuk është Bernd Borchardt, por Taulant Balla, i binduri besnik i Edi Ramës…
Kjo e sotmja është e disata herë që Bernd Borchardt mban qëndrime të theksuara pro qeverisë Rama dhe kundër opozitës, që i ka shpallur luftë shit-blerjes së votës. /bn/
