Në krah të Taulant Ballës dhe Gramoz Ruçit, i pari kryetar i Grupit Parlamentar socialist dhe tjetri, kryetar i Kuvendit, deputetja Rudina Hajdari, ishte pjesë e delegacionit parlamentar shqiptar për të lobuar lidhur me hapjen e negociatave për Shqipërinë nga Holanda, një prej shteteve që konsiderohet si skeptike.
Pjesëmarrja në një delegacion parlamentar nuk ka asgjë të keqe, por mënyra sesi Hajdari ka folur para deputetëve holandezë, është paksa e çuditshme.
Hajdari nuk ka nguruar të fajësojë opozitën për atë çka ndodh në Shqipëri, madje duke i cilësuar protestat e saj si të dhunshme.
“Zgjodha të rri në Kuvend sepse dorëzimi i mandateve ishte në kundërshtim me vullnetin e votuesve tanë që kërkojnë që debati politik të zhvillohet brenda Parlamentit.
Ata që kanë hyrë në Kuvend në emër të opozitës së re janë përzgjedhur nga vetë kreu i Partisë Demokratike për të qenë pjesë e listave.
Ashtu sic e tha kryetari Ruci dhe kolegu Balla ne e meritojmë hapjen e negociatave sepse do të jetë në të mirë të popullit dhe të vetë BE-së.
Protestat e dhunshme të opozites që ka zgjedhur rrugën e kanë prishur imazhin e vendit tonë por unë ju bëj thirrje të reflektoni në hapjen e negociatatve dhe mos rikthimin e vizave”, tha Hajdari.
