VIDEO/ “Hodhi molotov në protestë”, kush është tropojani i arrestuar (EMRI)

Një person është vënë në pranga nga policia e Tiranës pasi akuzohet se ka hedhur molotov në protestën e 11 Majit, të organizuar nga opozita. Marash Qerimi 40 vjeç, lindur në Tropojë e banues në Tiranë, është arrestuar për 5 akuza penale.

“Bazuar në prova, pamje filmike, raporte shërbimi dhe prova të tjera të grumbulluara në lidhje me aktet e dhunës ndaj punonjësve të Policisë dhe institucioneve shtetërore në protestën e opozitës të datës 11 Maj 2019, u bë kapja dhe ndalimi i shtetasit M.Q., 40 vjeç, lindur në Tropojë e banues në Tiranë, për veprat penale ‘Organizimi dhe pjesëmarrja në grumbullime e manifestime te paligjshme’, ‘Kundërshtimi i punonjësit të Policisë së rendit publik’, ‘Goditja për shkak të detyrës’, ‘Shkatërrimi i pronës me zjarr’ dhe ‘Shkelja e rregullave mbi lëndët plasëse, djegëse dhe radioaktive'”, njoftoi Policia.

LEXO EDHE  "PS nuk ekziston më"

“Ky shtetas në datë 11.05.2018, në orët e pasdites, gjatë zhvillimit të protestës nga ana subjektit politik Partia Demokratike dhe aleatet e saj, ka kundërshtuar dhe goditur në detyrë punonjësit e Policisë së Rendit, që ishin dislokuar me shërbim para godinës se Kryeministrisë dhe Parlamentit dhe në bashkëpunim me persona të tjerë, ka hedhur bomba molotov, flakadanë, fishekzjarrë dhe kapsolla, në drejtim të forcave të rendit dhe Kryeministrisë. Po punohet për identifikimin dhe kapjen e personave të tjerë të dyshuar, të përfshirë në këto veprime të kundraligjshme. Materialet iu dërguan Prokurorisë së Rrethit Gjyqësor Tiranë, për veprime të mëtejshme”, thuhet më tej në njoftim.