E shitën dy sezone më parë, Partizani tenton të rikthejë mesfushorin

Zbulohet preferenca e dytë e Partizanit për merkaton e verës. Pas tentativës për të marrë sulmuesin Ali Soue, që ka qenë te Skënderbeu sezonin e kaluar, klubi i kuq kërkon të rikthejë në skuadër edhe mesfushorin Ylber Ramadani. Në verën e vitit 2017, lojtari i lindur në Ferizaj u shit nga të kuqtë te klubi danez, Vejle, për shifrën e 150 mijë eurove.

13932670_1077320222344533_3234959808956095222_n

Skuadra që militon aktualisht në Superligën daneze ka pasur si trajner italianin Adolfo Sormani, i cili zbuloi Ramadanin në ato pak muaj që drejtoi Partizanin në vitin 2016. Pas dy sezoneve dhe 57 ndeshjeve me fanellën e Vejles, mesfushori që është edhe pjesë e Kombëtares shqiptare pritet të ndryshojë destinacion.

LEXO EDHE  E bujshme/ ‘Tërbohet’ Partizani, kërkon mesfushorin e kombëtares

“Panorama Sport” raporton se kontrata e Ramadanit me klubin danez përfundon në muajin korrik. Kësisoj, duke u njohur me situatën, drejtuesit e Partizanit janë hedhur në sulm për të bindur mesfushorin që të rikthehet me fanellën e kuqe, duke qenë fillimisht pjesë e saj në aventurën europiane.