Ceremonia e titullit kampion, FSHF mban pezull Partizanin

Në Tiranë apo në Gjirokastër më 29 maj? Kjo është dilema e madhe për festën e titullit të Partizanit.

Gjithçka është në dorë të FSHF-së, që ende nuk ka përcaktuar zyrtarisht se ku do të zhvillojë ceremoninë zyrtare të titullit kampion për këtë sezon. Ndeshja e fundit për këtë kampionat e të kuqve është më 29 maj në stadiumin e Gjirokastrës, teksa do të luajnë kundër Luftëtarit për javën e 36-të.

Klubi i kuq i ka bërë një shkresë zyrtare FSHF-së për të bashkërenduar punët, në mënyrë që organizimi të jetë perfekt dhe të kuqtë të përgatitin me detaje pjesën e tyre. Një opsion është që në rast se pas kësaj jave Luftëtari siguron matematikisht mbijetesën, atëherë t’i kërkohet klubit gjirokastrit që ndeshja e fundit të luhet në stadiumin “Selman Stërmasi” në kryeqytet. Mirëpo, fillimisht kjo kërkon OK-in e FSHF-së, e më pas të Luftëtarit.

LEXO EDHE  (VIDEO) Mposhti Barcelonën me një gol roveshatë, si u prit Aduriz në dhomat e zhveshjes