Pavarësisht se Erjon Veliaj konsiderohet si kryebashkiaku model nga Rilindja, dhe në shërbim të tij është vendosur sumica e makinerisë shtetërore dhe mediatike, duke i kuruar në detaje imazhin, duket se një tjetër kryebashkiak, e ka lënë në bisht, përsa i takon projekteve për modernizimin e qytetit.
Në Korçë ka përfunduar instalimi i tabelave në stacionet e urbanëve që tregojnë në kohë reale, minutat që i duhen autobusit për të mbërritur në stacion.
Madje kjo është një risi për vendin tonë, pasi deri më sot asnjë qytet nuk e ka implikuar këtë teknologji. Dhe këtë risi nuk e ka sjellë Lali Eri, sikundër mund të ëndërronte.
“Për sa vjen autobusi?! Tani përdorimi i transportit publik është më i lehtë. Falë tabelës elektronike mund të informohesh për autobusin e radhës, linjën më të afërt dhe kur vjen tek stacioni ku ti ndodhesh”, shkruan kryebashkiaku Sotiraq Filo.
Por ne nuk e dimë nëse e gjitha kjo është propagandë apo e vërtetë. Do të duhet të kalojë disa kohë që qytetarët korçarë të na thonë nëse kjo gjë funksionon apo është thjesht mashtrimi i radhës i rilindasve.
