Ish-deputet dhe ish-ministër në qeveritë socialiste, Elmaz Sherifi, përmes një postimi në rrjet i ka sugjeruar mazhorancës që të kuptojë sa më shpejt atë që po ndodh në Shqipëri, kur vendi është në një krizë të thellë politike.
Sherifi shkruan se për situatën aktuale të gjithë gabuan, që nga dorëzimi i mandateve të deputetëve, deri te legjitimiteti që deklarojnë disa ambasadorë e zv.ambasadorë për zëvendësimin e tyre.
Sherifi shprehet se zgjidhja e vetme është marrëveshja politike.
Postimi i Elmaz Sherifit
“Te gjithe kane gabuar” !
Gaboi opzita qe dorezoi mandatet,kur nuk ka Gjykate Kushtetutese. Maxhoranca qe shpejtoi per zevendesimet e mandateve pa kryer procedurat Komisioni i Mandateve dhe Imuniteteve. Listaret qe pranuan mandatet, kur partia qe i vuri ne liste deklaroi se nuk e njeh me ate parlament.
Dhe disa ambasadore e zevendes ambasadore qe deklarojne legjitimitetin e zevendesimeve, sikur te ishin Gjykata Kushtetutese.
Te gjithe e kuptojne qe kane gabuar. Sepse zgjidhjen e krizes ia kerkojne opozites politike dhe jo asaj qe e konsideruan “opozita e re” !
Tani qe edhe kandidatet per anetare te Gjykates Kushtetutese u terhoqen nga konkurimi, koha pa institucionin qe interpreton ligjeshmerine dhe kushtetutshmerine Institucionale do te jete e gjate.
E vetmja zgjedhje mbetet marreveshja politike.
Sa me shpejt ta kuptoje maxhoranca, aq me mire eshte per Shqiperine ! Kriza politike eshte shume e thelle. Perfytyroni si do behet, nese do ecet drejt zgjedhjeve vendore !
