Ish-presidenti, Bujar Nishani ka reaguar ndaj dhunës dhe shoqërimit që policia i bëri Sekretarit Organizativ të PD-së, Sait Dollapi.
Nishani thekson se po rikthehen aktet e torturës ndaj opozitës politike nga segmente kriminale të rekrutuara në Policinë e Shtetit.
“Pas 28 vitesh në Shqipëri segmente të inkriminuara, të rekrutuara vitet e fundit në Policinë e Shtetit rikthyen aktet e torturës, në sheshe publike kundër eksponentëve të opozitës politike.
Edi Rama, Sandër Lleshi dhe drejtuesi policor i aktit të torturës mbi Sekretarin Organizativ të Partisë Demokratike kanë llogarinë e hapur më të madhe me ligjin dhe popullin opozitar.
Tortura publike nuk ka asnjë proporcionalitet dhe nuk do mund të harrohet për asnjë çmim”, thekson Nishani.
