Ish-deputeti i Partisë Demokratike, Edmond Spaho tha se kryeministri Edi Rama po urdhëron arrestime politike. Deklaratën e bëri pas masës së sigurisë dhënë nga Gjykata e Tiranës ndaj ish-deputetit të PD-së Klevis Balliu dhe tre banorëve të “Unazës”. Në një prononcim për mediat jashtë ambienteve të Gjykatës, Spaho tha se “do ta largojmë Ramën me çdo kusht e çdo mjet”.
“S’ka manovër që e shpëton fundi i tij, i vendosur do përfundojë në koshin e historisë se sillet si diktator. Njerëz që mbrojnë pronat e tyre, shtëpitë e tyre, fëmijët e tyre dëshiron ti fus në burg. Ata po mbrojnë dhe pronën shtetërore, i kanë kursyer shtetit 40 mln euro që do ti merrnin hajdutët. Këta kërkojnë ti fusin në burg ndërsa ata që do ti vidhnin s’dihen ku javë, vetëm vazhdojnë hetimet formalisht. I patë dy gratë me peterica, i patë se si ia thyen këmbën. U dënua njeri? Jo! I futën në burg burrin, djalit i thyen edhe këmbën. Kërkon të fusë në burg deputetë të opozitës se ka frikë”, tha Spaho.
“Për ne s’ka kthim pas. Do ta largojmë Ramën me çdo kusht e çdo mjet, ta harrojë se do ketë zgjedhje më 30 qershor. Ka vetëm largim të Ramës”, theksoi ai.
