Presidenti Hashim Thaçi akuzoi ish-kryeministrin Sali Berisha se ka bërë mëkate të mëdha gjatë luftës ndaj UÇK. Thaçi u shpreh se Berisha e ka cilësuar UÇK si terroriste, marksiste etj etj.
Pavarësisht se deklaroi se nuk i përket politikanëve që nxisin përplasjen mes shqiptarëve, Presidenti i Kosovës me një gjuhë urrejtjeje, e cilësoi Berishën si një gërmadhë të skenës politike shqiptare.
Thaçi tha se në Samitin e Berlinit nuk është diskutuar as nga kancelarja Merkel dhe as nga Presidenti Macron idea e korrigjimit të kufijve.
“Nuk ka pasur asnjë presion ndaj askujt, as ndaj kryeministrit të Kosovës, Ramush Haradinaj. Letra e zotit Rama e sqaron këtë çështje shumë qartë”, tha Thaçi, i cili me deklarimet e tij ka konfirmuar aleancën e qartë me kryeministrin Rama.
Thaçi tha se ka mbështetur vendosjen e taksës që në fillim të propozimit dhe nuk i ka bërë presion qeverisë për heqjen e saj.
Në emisionin Opinion, Presidenti i Kosovës tha se askush nuk mund të mendojë se problemet në Ballkanin Perëndimor mund të zgjidhen pa një mbështetje të SHBA.
“Substancave e letrave të Presidentit Trump që më drejtoi mua dhe Vuçiç janë baza për dialogun mes Serbisë dhe Kosovës.
Edi Rama nuk është i përfshirë në dialogun mes Beogradit dhe Prishtinës, lëreni jashtë këtë dialog nga fushatat elektorale”, tha Thaçi.
